قصائد الشاعرة بسمة فجر

قصيدة ..,,.. ليلة البارح

الشوق والهم والاحـزان والصـوره
خاويتهم في مراحـي ليلـة البـارح
خمسه جلسنا نعـد الشعـر وبحـوره
نكشف خفايا الغرام اللي غدا جـارح
واناجي الليل.. كيف يطير بطيوره؟!!
عله يجيني.. يجيب لصدتـه شـارح!
يسكني الهم.. وآنـا فيـه مجبـوره!
ان ما طرحني.. غدا قلبي هو الطارح
اتعبني القلب لكن ..ويـن دكتـوره؟؟
كم لي اداويه واطلب منـه واصـارح
يشكي على الناس همن شب ديجـوره
في وسط صدري ضيا همي معه سارح
ياقلب حبك تخلا عنك!! مـن جـوره
شرّبك سـم الغـرام المـر والقـارح
ياديرة الموت ليـت اكـون مقبـوره
آخير من نزف جرح ابصدتـه بـارح
الشوق والهم والاحـزان والصـوره
تجمعوا قـدم عينـي ليلـة البـارح

قصيدة ..,,..غدر الزمان

امانه لا بغيت اتروح توادعني بدون ادمـوع
امانه قول بغيابك انـا باقـي علـى الذكـرا
امانه روح لا تنشد عن الخافي عن الموجوع
رميت اسنين عشناها وهانت عندك العشـرا
ابي تجزم بأنّ اللي تركتـه خافـقٍ مفجـوع
تفاجأ بالزمان اللي نهش باحلامـه العـذرا
انا يومي نويت اختار من جور الزمان النوع
لقيت انّ الزمن سيّر مصيري في هوا امـرا
انا ودّي ابيّن للبشر وش هي خفايـا اللـوع
عشان اتشوف ياغدر الزمان اشكبرها الحسرا
انا ليلي قضيته في حشايا خافقـن مخلـوع
جسم عايش على انفاس الهموم الغاديه بكرا
توسّدت المكان اللي غدابه هالحـزن ينبـوع
عسف جور الزمان اللي تنقّى خطوته عثـرا
اكررها غديت الهم غديت الغم غديت الجـوع
اجوع ومالي امن الزاد غير الشوك والجمـرا
قسى هالوقت واجبرنا نجي يمه نجيه ابطوع
نجي وانطالع اعيون السواد اللي غدت حمرا
تمشّينا على سيف الامل هاللي غدا ممنـوع
نجي وانطل من هالسيف كود انلاقي البشـرا
امانه لا بغيت اتروح توادعني بدون ادمـوع
امانه قول بغيابك انـا باقـي علـى الذكـرا
امانه روح لا تنشد عن الخافي عن الموجوع
رميت اسنين عشناها وهانت عندك العشـرا

» سيرة الشاعرة الكبيرة بخوت المريه
» قصائد الشاعر حمد الدليهي
» قصائد الشاعر فواز المالكي