قصائد الشاعر حمد الدليهي

قصيدة سيرة فخر

حنت رعود الشعر بالصـدر وتويـق
خلف المحاني يـوم لاحـت بروقـه
صفق لها فكري على طول تصفيـق
مدح وثنى .. والشعر مامات سوقـه
وابن صقر جملـة عيالـه مطاليـق
اعطو .. حقوق الدين واعطو حقوقه
سيرة فخر من فوق روس الشواهيق
ماهـي غريبـه تابعيـن ٍ طـروقـه
بيبـان بيتـه ماعليـهـا مغالـيـق
في وقت عـادي والبيـوت مغلوقـه
اكبر عياله سمعتـه سمعـة طويـق
شامـخ ولاغيـره جبـال ٍ تفـوقـه
(سالم ) .. سلم من مضلمات الخناتيق
نهجة على وضـح النقـى مايعوقـه
حر ٍ يحلق في فضاء الطيـب تحليـق
غيـر الفعـول الطيبـه ماتشـوقـه
بينه وبين الجـود عهـد ومواثيـق
الجود من صغره جرى فـي عروقـه

قصيدة حومة صقر

انا الحقيق الجـزل يافاضـي رصيـد
في وضعي المعتـاد والا فـي شقـر
لاشفت غيري قلت انا الشخص الوحيد
حول الجدي وسهيل باني لـي مقـر
ماهو غرور ولاعلى السـادات ازيـد
لو .. ان عيبي مااعترف به واستقر
عجـزت اجامـل والمجامـل مايفيـد
ارفض ظروف الوقت تعقرنـي عقـر
ومنزه ٍ نفسـي ولـي نظـره بعيـد
احوم في قلب السماء حومـة صقـر
فرقاك ياشكـاك عنـدي يـوم عيـد
اكبر غنـا .. والا تواصلـك الفقـر
اللـي علـى كيفـه يحلـل مايريـد
افضل طريقه سفـط وتحقـره حقـر
دام الأوادم تفتهـم معنـى القصـيـد
ماهو ضروري تفهـم الشعـر البقـر

قصيدة ملاذ

شحيح فـي مـد المحبْـه لمـاذا
بخيل عمرك مابعد قلت لـي خـذ
هذا .. مع .. هذا .. وهذا .. وهذا
ماشذ واحد وانت في منّهجكْ شـذ
سحابتـك تنثـر مطـرهـا رذاذا
والوابل الهتـان ماطـش لـي رذ
ملاذ .. ماقبلك .. خذانـي مـلاذا
طحت بهواك وغذ من لاذبك غـذ
شجـاع طـاح ولاذ بحمـاك لاذا
واصبح أسير وُينّْسي جهده الفـذ
نبـذت كـل الغيـد لجلـك نبـاذا
وبذت خفى .. تجتاحني سبتك بـذ
انت الوحيد اللـي خذيـت اتخـاذا
والا ان غيرك سالفـه كلهـا هـذ
فيك الحلا ماهو في هـذا .. ولاذا
وطرفك لاسلهم جيت كلي إليّا .. قذ
لاعاد تسأل ليّْهْ أحبـك .. لمـاذا
هاك الأجابه .. ميّت .. بحبك وخذ

» قصائد الشاعر فواز المالكي
» قصائد الشاعرة بسمة فجر
» سيرة الشاعر الامير عبد الرحمن بن مساعد
» سيرة الشاعر الكبير الامير طلال الرشيد